عيد حب سعيد

مساكم الله بالخير والسرور

شخباركم *_*

أكتب لكم وانه في سيارتي ..

بالتحديد باركات الجامعة...

الجو حلو ..بارد ولكن.. البرد كان اهون من اشياء وايد..

أعاني من صداع نصفي ودواي مب عندي .. وريلي ألمها ماخف وكان المفروض اروح اسوي اشعه ولكن لقلة الوقت ولأني مهمله في هذي الامور مارحت ..ولكن انشالله بكره الصبح اطلع للمستشفى ..

يومي كان جداً يوم سخيف ولكن مانقدر نقول غير الحمدلله  الدرجات اللي شفتهم بامتحاناتي خسبقوني .. ولو اني مومن النوع اللي يهتم بهذي الأمور او يزعل نفسه .. بس همن صادني احباط شويه ..

لاني من الاساس محبطه من التريننغ اللي لازم اروحله .. ولكني رفضته لان المكان ماعجبني..

لمن الأنسان يطلع بروحه في مكان خالي والناس يمرون بهدوء ..يتفاكر مع نفسه .. وقعدتي بالسياره في وسط الباركات والمكان شبه ظلام..

فعلاً خلاني استعيد بعض الذكريات..الحلوه..

بس همن خلاني احط راسي واغمض عيوني ..وافكر .. أنا من ! .. وليمتى يا " هالحال " وانت نفسك ما تتغير؟

بكره عيد الحب ..

وانتوا عيدي.. انه فعلاً ماعرفكم شخص . شخص ...

لكن ادري قلوبكم كبيرة وتقرون لي .. وحتى لو كنتو بصمت تتابعون كتاباتي.. هالشيء يسعدني ..

الليله بمناسبة عيد الحب .. معزومه على حفلة .. برجع البيت وابدل وارد أطلع..

بس الفرق الليله بطلع بدون شعور بأي حب ..  يعني وناسة و تغيير جو ..

* أمس في بنت اعرفها وصتني اني ارتبط..

وأصريت اني لازم انتظر .. لان الحب ما يجي بسهوله..

لكن الليله انه بروح ومادري شنو بيصير ..

هل فعلاً ممكن اشوف نفسي بعين وحده من الحضور..

وابتسم لها ..

خصوصاٌ وانا ادري ان قصتي بيكون لها تأثير كبير هههههههه

مثل ما أثرت على ناس وراحو قصو مثلها p;

امممم انه اتمنى اليوم أأكشنها ..وأفلها بس مع قلب ياخذني لمكان بعيد...

وعيد مليآن حب .. لكم ولحبايكم : )

تحيآتي نص قلب