مرحبا / بعد طول غياب

سلام عليكم ..

شونكم ؟ أخباركم !

اتمنى تكونون طيبين ..

طبعا انا كنت مقرره اني مارجع لهالمكان ابداً ..

مو عشان اني ما أحبكم .. بس عشان ما أضيق خلقكم ..

خذيت بريك طويل عريض..

في النهاية .. غيرت رايي ..

لان مالقيت من يتشارك معاي باللي بداخلي ..طول فترة غيابي ..

--------------------------------------------------------

وقبل لا أبدي أكتب لكم شنو صار طول هالفتره ..

حبيت أشكر من أرسل لي أيميلات وسأل عني : )

صدقوني اني كنت سعيدة جداً فيكم .. ولو أن مافيه معرفة شخصيه بينا

لكن أشكركم من كل قلبي .. وتراني أتشرف بمتابعتكم لي ..

واللي حاب يضيفني فلا يتردد /

n9.glb@hotmail.com

------------------------------------------------------

بعيداً عن المقدمات الطويله العريضة .. بدش لكم من الزاوية اللي تعجبني

بدت الدراسه .. وبدينا عوار الراس عاد *_* .. يالله ..

انا كلش مومتحمسه هالكورس بس الله كريم

**

من الناحية العاطفية

انا ماقدر اتخلص من الماضي أبداً .. مادري !!!

او انا أقدر .. أو ماكنت أبي ..

تعبت نفسياً الفتره اللي راحت ..

بس قررت .. حاليا اني اغصب نفسي على الكره والنسيان

خلاص لازم اعدي هالمرحله ...

اعديها بمرتبة شرف

لان لي أكثر من سنتين و أنا أحاول ...

وآآآآآآخ ياقلبي .. خف علي من العوار شوي ...

***

من الناحية الاجتماعيه..

صارت لي علاقه مع اشخاص وايد

صبيان وبنات .. من نطاق العمل

أو العمل التطوعي .. و حتى اشخاص مثليين ..

يعني انشالله كل شي بيمر بهدوء .. ومريح ..

أحاول اكثر من علاقتي بالناس .. وألهى معاهم ..

***

من الناحية العمليه ..

طبعا أنا المفروض اني القى شغل هالفتره ..

بس للحين ماحآآن الوقت ..

من ناحية البزنس الخاص فيني ..

الحمدلله فيه فرص جداً قوية .. و ان شاء الله لها نتيجه أقوى مستقبليآ

بس بصراحه شديده ..

من ثلاث ايام حسيت بالغّصه ..

لاني وصلت لمرحلة كنت أحلم فيها من زمان و أبي أوصلها

وفرحت .. ولكن حسيت اني محتاجه اوصف شعوري من قلبي بفرحتي

احتاج شخص يشاركني هالفرحه ..

لكن الحمدلله على كل حال

//

نهاية كلامي...

وحشتوني وآآيد ...

تحيآآتي ..

نص قلب

-

لا يحتاج الألم .. إلى ألم ..

سلامي لكم ..

//

كل انسان انكتب في لوح عمره تفاصيل ، وكل انسان حياته فيها حزن ، و فرح ، هم ، و ألم ، وأمل ...

وهذي المشاعر كلنا ممكن نحس فيها في أي لحظة..

بس أنا اليوم أحساسي وآيد مب شي ..

امممم .. يمكن قعدة الصبح تأثر نفسياً على الشخص ..

و أنا أنسانه اعشق النوم ..أحبه .. وماقدر اقاوم المخده لمن احط راسي..

وأكره شي احد يقعدني من نومي .. أم الأعصاب ..اللي تطلع ..

* قعدت اليوم عشان اوصل اخوي لأمتحانه ، ورضيت لان عندي شغله كنت ابي اسويها ..

لكن .. انتهى اليوم بدون أي شي مهم ..

ماذكر اني سويت شي .. غير اني غسلت صحون الغدا , وتكلمت في نقاش عاطفي ..وطلعت مع اخوي وبنت عمي المغرب..

وانتهت القضية لين هني .. لهالحزه ..ماسكه لاب توبي .. بدون أي شي مفيد أسويه ..

//

مشآعري .. صارت تتضارب مع بعضها في اغلب الاحيآن..

أنا ؟ أحب ولا ما أحب ..

صح قلبي تعود عالجراح " ولكن بسنا نكد "..

لمن أتكلم معاها ، أحيان احس بشعور عادي .. ولكن أحيان احس اني فعلا مرتاحه لانها معاي عالخط..

بس فجأه ..فجأه .. اتذكر كل شي .. ويرجع احساسي لنقطة الصفر..للنقطة اللي ماقدر أعديها ..

يتعكر مزاجي .. أبي اصرخ ..لا تكلميني .. أنتي ماعمرج حبيتيني ..صكي الخط ..صكيه..

ولكن في نفس الوقت ينعقد لساني وتخنقني العبره ويتغير صوتي .. وأقول الله يغفر الذنب ..

مابي اكون انا والدنيا عليها ..

بس همن .. يرجع الجرح ينتفض بضلوعي ..

 وأحاول أتمكن من نفسي وأقول الله كريم واللي اقدره معاها بسويه

الكلمه الطيبه ، و هالنص قلبي طاهر من الحقد .. وهالشي لازم يوضح زين ..

صراع عنيف .. بيني وبين نفسي ..

يخليني احسب كل كلمه تطلع منها او مني ..

وكل تصرف احاسب نفسي عليه ..

والنتيجه أنا ما اعرفها ..ماعرفها

//

من شوي في بنت اعرفها .. كان ودها نكون بعلاقه

ولكني ماقدر لاني ماحبها ابدا .. وبدت تتدلع على جبدي ..

بس انا كلش مالي خلق .. ولمن يصير مالي خلق تستوي اخلاقي زفته

وماشتهي اجامل .ابدا ، وانا من الاساس اكره المجامله

.زعلت على كلمه سخيفه قطيتها .. وبعدين طلبت اراضيها

وقلت ليش زعلتي قالت كيفي ابي ازعل وراضيني ..قلت مابي اراضيج .. ولا شي

وتمت تحن على جبدي وانا اكره الحنه و آخ ياضيقة الخلق..

اقرى واحقر .. قالت لاتطنشين ..قلت شفيج ..قالت بتنامين..قلت ايه

قالت قولي تحبيني ..قلت مابي .. قالت قولي ..قلت لها يبه مابي ..

قالت زين الحب مايجي غصب ..قلت لها تصبحين على خير ..

انتهت المحادثه ، الى برودكستات طويله تبين عذاب الحب ..

* استغرب ليش الناس اللي نبيها تفهم على الطاير ماتفهم ؟

واللي مانبيها تفهم .. تفهم ؟

//

أنا ..

أعاني من فراغ رهيب .. قاعد يسوي اثار جانبيه ..قلبيه ونفسيه ..

بيني وبينكم ...انا سويت المستحيل اني احافظ على اتزاني النفسي..من خلال بعض النشاطات اللي اشتغل عليها 

ولكن لازال هالشعور يطلع فجأه ويعذبني ..

انا ماحتاج شخص يقولي انه يحبني

انا احتاج شخص يحسسني بالحب ..

ويتحدى الناس كلهم عشاني ..

أحتاج انسان يعرف قدري ويحبني ويصوني ..

احتاج انسان صادق معاي في كل شي حتى في عيوبي واخطائي واخطائه ...

أحتاج علاقه جادة .. جادة1000%

* مادري هالشخص موجود أو لا ...

//

خلاصتي ..

الألم ..دايما يحتاج لضمادات أمل ..

أبداً مايحتاج لألم ..

ولكني أتألم .. والألم لازلت احسه واحسه واشوفه واعيشه .. و أواجهه كل يوم ..

لكن يا نفس .. الصبر ثم الصبر ..

** تصبحون على خير **

مجرد نقاط على حروف الحياة ..هلوسة "في عز الدوام "

صباح الدوام " السخيف " ..

صباح الأمل والابتسامه الحلوه..

وحشتوني وايد .. وايد وبصراحه هالمزاج اللي انه فيه " خوش مزاج "

مادري شالسبب ولكن اتمنى يدوم بس من الحين لليل " عالأقل " ههههههههه

اممممم انا مااتابع البلوقات وايد صح *_* لكن في مرات حاولت اكتب كومنتات على بعض الصفحات

بس مادري شفي أمهم .. مايصير احط كومنت : ( .. سو كيفكم يعني ..

* حلو الواحد يحس بالاهتمام من اصدقائه وربعه وحبايبه

بس الأحلى أن يكتشف " انهم صادقين معاه"..

* الحب الصعب .. هو الحب الدايم .. كلما كانت المشاكل اللي تجمع الأثنين صعبه و " يظلون متمسكين في بعض ويساندون بعض  "

فتأكدو ياجماعة الخير ان هذا هو الحب الحقيقي والطاهر .. لحد يستسلم للضغوطات .. ولحد يكون ضعيف..

الحياه مجرد ايام . . أستمتعو .. حبو .. زعلو .. عصبو .. ولكن عطو كل شي حقه ..

* من الطريف أن الأنسان يكتشف .. بأن الأيام اللي عاشها في حزن .. هي ايام ماتستاهل .. ولهالسبب يظل عنده اندفاع للمستقبل وانه يكون جاد في اتخاذ  قرار واحد .. عشان يمشي للأمام وليس للخلف ...

* حلو الأنسان يكون عنده تأثير على الآخرين .. ولكن " ايجابياً .." .. ويمكن احنا مرات مانقدر نغير الشخص اللي جدامنا او بالاحرى يحس ان انت لمن تصارحه بطبع مايعجبك او تخبره ان من الضروري يغير طبعه .. يحس انك ياي تتحكم فيه .. أو تنقص من قيمته لكن الحقيقه المره .. انك ياي من زود حبك " تنصحه " .. وانك ياي تبي تشوفه الأفضل .. والأحسن ..

* امنياتي بالسعاده .. كانت لجميع الاشخاص في حياتي .. اللي راحو .. واللي بقو .. اللي ضروني .. واللي عزوني ..

ولا زالت امنياتي باقيه للجميع ..

* انا شخص ما أدعي المثالية ابداَ .. انا مو مثاليه .. انا انسانه كلي عيوب .. صدقوني .. انا انسانه غرقتني الذنوب ..

لكني انسانه .. لي قلب غير واعذروني على هالكلمه .. قلبي مكسور ولا زال يعطي بدون حساب

*   انا ماعندي مانع اكون صديقة الجميع .. ولكن عندي مانع اكون حبيبة الجميع .. انا ما ادور عن الحب في كل عيون ..

ولكني  ادوره عند قلب صريح .. بيحبني لآخر نفس فيه .. !!

* حب الذات .. حب طبيعي / هذي عادة الأنسان.. ولكن ليمتى يا ناس .. احنا بنغرق بأنفسنا وبننسى الناس اللي هي في أمس الحاجة لنا..

* انا من زمان اكتشفت ان الأهل .. هم اكثر ناس يحبونا ..لدرجة الأنانيه .. مادري هم يعتقدون احنا عجين فخار وبيشكلونا مثل مايبون او انهم يابونا " عشان يكونون منا انسان مثالي وكامل ".. ومحد كامل غير الله .. وانا احنا بشر مهما سوينا بنظل نخطي ونغلط ..

بس بصراحة امس اكتشفت ان اهما يحبون أن احنا نجذب عليهم ونستغفلهم .. عشان تمشي افكارهم في مسار الطمأنينه والسكينه ..

وعشان يريحون ضميرهم بأن احنا عايشين حياتنا طبيعيه ولا فيها اي شي ..

* كثرة التجارب .. واختلاف " بيئة النفسيات " اللي نتعايش معاها .. تصنع منا اشخاص رائعين .. نقدر نتكيف مع اي بيئه بأي لحظة..

واعتقد انها تصنع الصبر فينا ..

* لا بد ان يعتني الأنسان بنفسه ..قبل مايعتني بغيره .. ويحاسب نفسه .. قبل مايحاسب غيره .. ويحب نفسه قبل ما يحب غيره ..

عشان في كل موقف .. يمر فيه .. يحط نفسه مكان الشخص الثاني ويقدر يحس بشعوره .

مجرد نقاط .. حبيت ان انقلها لكم .. من مخي الغالي ..

وانا كان فيني طاقة اكبر للكتابه والتدوين ..

ولكن حوسة الشغل شتت وطيرت بعض الاأفكار..

واعذروني يا حلوين *_*

10/5/2011

صبحكم الله بالخير..

شخباركم ..وحشتوني و أدري هالمرة طولت وايد
ولكن الأحداث تسبق بعضها ,..
و قلب " التدوين " مادري " ضاع في الحسبه

وبصراحة انا ماكنت ناويه أدون ..
بسبب ان الجهاز الي كنت استخدمه استخدام شخصي بحت .. انكسر
وكنت انتظر اخذ لي جهاز يديد
الا اني كنت اسولف مع تركوز ونسولف نسولف..
كنت اقوله " بكره بروح اخذ جهاز انشالله " ..و بكره بدّون ..
ومادري رحت لـ بلوق شخصاً ما .. وحرك فيني شيء ..

وقلت اكتب ..

بداية .. حبيت اقولكم ان الشهر الي راح كان عيدميلادي ..
ورغم ان هالعيد ميلاد تفائلت فيه .. الا اني ماستانست ذاك الزود اذا تبون الصج
رغم ان كل الاشخاص تقريبا الي بحياتي واهلي وربعي ذكروني .. وماقصرو..

بس مادري كان فيه شي ناقصني ..

/

الشهر اللي راح اشتغلت " وظيفه مؤقته " كمساعدة محامي وصرت انزل المحكمة واشوف ناس ..
وتعرفت على اشخاص طيبين .. ودخلت المحكمه وشفت اشكالهم ..
وكانت تجربة حلوه بس شوي متعبه ..

* الشهر اللي راح " ذبحت عمري طول الشهر ابي فرصه " اسافر * للرياض .. ولكن بسبب الاوضاع وبسبب أني شيعية .. ماقدرو يضمنون لي دخولي للرياض  بسلام... فكانت نتيجة محاولاتي فشل في فشل..

* الشهر اللي راح .. كان شهر شبه منحوس .. والنحاسه من عوايد برج الحمل .. حظه دايماً ضده..

/

يمكن كتاباتي السابقه .. بينت وجهة نظري من الحب ..
وانا للأسف .. للأسف الشديد .. طبعي ماعرف الف  ولا أدور ..
ولو أن الدنيا تحتاج لف ودوران .. الا اني ماعرف هالشي..

لكن * طيبة وقلبي ابيض * ويمكن هذا عيب كبير فيني

لان انه دايما عندي ثقة بالناس .. انهم يمتلكون حسن نية ..
وللأسف اني اكتشف ان احيان اقرب الناس يفتقدون ( حسن النية ) ..
ويعني لازم نكون حذرين منهم ..

يعني بالله اذا اقرب الناس لازم نكون حذرين منهم ؟
شبقى حق الناس الاغراب !!..

فعلا استغرب ..

انا صح .. عايشه حياتي لنفسي .. واعز من يعزني ..
لكن بعد الادمي اللي فيه دم طبيعي بيحس بنفسه شوي..وبيعوره قلبه ..

ولاني ادمية .. ومافيني حقد ولا خبث ولا اشيل بقلبي .. ظليت على نفس الموال..

ماعرف اخذ حذري من القريب..
يعني يا يذلف .. يا يظل بحياتي آدمي ..

//

ولهالسبب
في وحده بخصها في هالكلمتين ..

" انا اذا حبيت ما أكره ترى .. بس اذا مشيت ما اطالع ورى "

واللبيب بالأشارة يفهمُ ..

وبليز ترى حياتي حلوه وتينن وراضيه فيها .. ومابسمح لأي أحد ينكد علي على حساب خرابيط وأكشنات
//

امممم

اما هذا الشهر الجميل / ففي بدايته.. أنكسرت كامرتي الفوتوغرافيه .. وانكسر جزء مني  ..ولكن القادم اجمل *_*

هذا الشهر الجميل / .. صار شي لذيذ في حياتي .. بس لو اكتمل بقولكم عنه ..

//

نيمو : اشتقت لك .. ولسواليفك واعذرني عالقصور ..


**  أنتظروني وهالمرة ما بطول أنشاء الله **



أوقفو التعذيب يا أهل العرب " 2" !!!

البارت الثاني للقصـة التي لن أطيل فيها كثيراً

حدث مالم يكن متوقع ..

رغم أن الأهل لم يكتشفو علاقتها بي ..

ألا أنهم أخذو موعداً مع الطبيب النفسي لفتاتي ..

وكل هذا لمجرد وجود اللاب توب .. + شريحة برقم سري!..

وماذا بعد ..

أخبرتها ان تقول لهم بأن هذا الجهاز كان مني هديه ولم تسمح الفرصه بأن تقول لهم ..

وانا في اتم الاستعداد لاستقبال اتصالات اهلها ..

ولكن من الواضح ان هناك افكاراً وتقاليد لا يجب أن يتخطاها أحد ..

ان الفتاه دورها فقط .. ( أداة مملوكة ) وليست مالكه ..

وخصوصا في بعض مجتمعاتنا المغلقه التي تضع حياة الفتاه في محيط مغلق

لحمايتها ..

ويأتي العكس تماماً ..

لن نبتعد تماماً عن محور قصتي..

كان البعد سيد الموقف..

وكان تواصلي مع احدى صديقاتها اكثر

ولا انكر " احساسي بالذنب "

بأن ماتعانيه بسببي أنا ..

من الواضح تماماً ..

انها افصحت لي بصراحه لاتطيق بعدها عني..

وكذلك احساسها بالذنب تجاهي..

بأنها في مجتمع لن يعطيها حقوقها ..

لان تكون معي في أبسط طريقة ..

لانها ستكون محاسبه في كل شيء ..

كانت هي منهاره..أعرف ذلك تماماً ..

ولم تترك اثار التعب سوى صوتها المبحوح ..

الذي ظل يعاني بتحمل أنين بكائها ..

ولم يجزع الليل قط من فراق الأحبـه ..

فكان بصدر رحب يستقبل ثقل الأوجاع ..

اعطيتها فرصة لتراجع قرارها ..

ولكن مايتضح عليها ..

هو الخوف من الفقدان وكأنها استسلمت للأقدار..

لم أفكر في هذا طويلاً .. فمناعتي قوية ..

ولكن كسر قلبي .. كَسر قلبها ..

ولا أريد أن أكون فرعون ..بقدر ما أريد أن أكون لها عون ..

افترقنا .. برضى من الطرفين ..

وكانت ماتقوله ..سنفترق على حب ..

دون أن أوجعك..

وكنت اقول / وما عاد يهم الوجع اعتدناه ..

..

خلاصـة حديثي..

مشاكلنا نحن المثليين , مشاكل معروفه لان كلن منا يتعرض لها بين الحين والآخر

ورغم اختلاف الاشخاص الا ان الاقدار تجمعنا في نفس الظروف..

لأن مجتمعنا يتشابه .. في اغلب التصرفات .. والثقافات..

اذا كانت الفتاه عرضت على طبيب نفسي .. من اجل لاب توب!

ماذا سيفعلون بها .. لو علموا بأنها مثليه ..

شيء مرعب مانعيشه ..

والتهشم الداخلي لشعورنا

وظروف حياتنا التي تزيد احباطنا ..

ليس الا شيء مؤدي فعلاً للحالات النفسيه!..

نحن معرضين لجميع انواع الأذى النفسي!

ليس لأننا مشخصين بمرض المثليه..

ألا لأننا مقيدين بين أنفسنا ..

ولأننا نحبس انفاسنا ..

خوفنا من ان تخرج أصداء مثليتنا فنقتل ..

ماكنت اكتب هذه القصه *

لمعرفة ارائكم بالعلاقه .. لأنها كانت علاقه جميله ومضت ..

لقد مضت بكل ماتحمل .. نعم فقط مضت لا أكثر..

لازلت اكن كل الأحترام لكونها كانت لحظات جميله ومخلصه..

كنت اكتبها لأبداء رأيكم في تعرضنا لهذه المواقف التي تضيق علينا سبل الحياه..

حتى متى - وإلى متى يا ترى ..

سنظل نحمل اسرار مثليتنا .. وفي النهايه سنلام !..

لاننا وببساطه كتومين..

كيف هو شعورك؟

سواء كنت مثلي او شخص مغاير

ماهو مدى تقبلك للمجتمع وافكاره؟

هل هناك جانب اخر من التفكير

عند الأهل ونحن لانعرفه ولا يحضرنا مع باقي الافكار؟

** همسه صغيره **

والله لو كنت أملك العصى السحريه ..

لغيرت عقول جميع فئات المجتمع من المتخلفين ..

فهم يعانون المرض..

ونحن نتلقى العلاج!!

عجبي على مايحصل

: ) نص قلب



أوقفو التعذيب يآ أهل العرب *

من على خطأ  ( نحن أم هم )

سؤال أوجه لكم في هذه اللحظات .. نعم أنتم أيها المثليين ..!

//

 

كانت تربطني بها علاقه عادية منذ أكثر من سنه , فتاة جميله وخلوقه ..

لم أكن أبحث عنها ولم تكن هي التي تشغل أفكاري ..

وكنت ألعب معها دائما " لعبة توم جيري " !

حيث انها كلما كانت تدنو , أبتعد ..

فأبتعدت بعد مدة من دوام هذه الحاله ..

ولكني كلما وجدتها على ( المسنجر )

سألتها أينك!!..

فتقول / انتي ماينعرفلج ..انتي ماتحبين حد يقرب منج..

فأبتسم..واكتفي / حبيت اطمن لا أكثر..

 

يوماً من الايام .. التي ليست بعيده جمعتني علاقة بها..

علاقة جميلة .. ورغم علمي منذ بالبدايه بأنها تود قربي..

الا انني لم اكن اعرف بأنها ستكون يوماً من الأيام حبيبتي..

لانني يأست من شفي الجروح .. من علاقتي القديمه

ولكن شاءت الاقدار / أحبها

وكانت هناك مشكله وحيده / لم يجمعنا وطن واحد ..

ولكننا رغم كل هذا .. كانت معي في جميع الاوقات

ولم اذكر بأنني اغمضت يوماً عيني دون أن أراها

كانت معتادة ان تلو دعاء ماقبل النوم " علي " ..

وعندما تنتهي تقول / قولي آمين ..

كانت معتادة بأن تنزعج من أصدقائي ..

ومنعتني اجراء المكالمات " آخر الليل"

خصوصا مع " اصدقائي "

أما صديقاتي فكانت تهون بالنسبه لها المسأله

ورغم اختلافنا بعض الشيء ..

الا انها متمسكه بي حد الجنون..

 

ولكن ذنبها فقط !

أنها تجرأت على شراء شريحة جديده ولاب توب .. من أجلي

لكي لاتزعجها  وتقيدها قوانين البيت التي تمنعها ..

من اخذ اللاب توب الى غرفتها ..

* عرف أبوها بالأمر .. يوماً ما..

بأمر الشريحه .. ولحسن الحظ انها تحمل رقم سري ..

ولم يستطيعو فتحها ..

ولكنها تعرضت لأسوأ امور التهشيم ..لشخصها ..

على حساب " هذه الشريحه " التي لاتزيد قيمتها 10 دنانير..

" يتبع القصة - في وقت لاحق "

 

ولكن سؤالي .. متى توقفون هذا التعذيب يا أهل العرب ..

الا يحظى الأنسان بخصوصية ..

تشاركونا كل شي .. ولكن حتى مشاعرنا !

عجيب أمركم ..

هل لأننا مثليين ؟

أم لأن تقاليدكم .. لم تعد تسمح للانسان ..

سوى بحياة تقليديه , ..!

فضفضة بين الدموع..

نـزفت..
حتى انتصر الدمع عليّ ..
ومادريت .. وش بقى ..
بس أقول..

الله عطـا / والله خذآ..
والله ( يـا عمري كريم *

//


هو بكــى حتى نآم..
وأنا غرقت وسط الدموع..
وكتمت كل الكـلام!..

تعرفوني! .. لا ..
لكن..
تجربة بين الضلوع..
حطت الحرقة في جفني ..والسلام!!..

/

نمت صح..
دمت ..لك.. وانا بسكـاتي أنوح..
وقلت لك مليون مره لاتشـك..
ماعلى المجروح يا عمري ( مـلام)..

..

أخاف أمـوت..أخاف أمـوت
أخـاف من كثـر الجروح..
تنسى لحظات الهيـام..

//

تكفى بس..
هو خذلني الجرح صح..
لكن انت لا تــروح..
ترى الغيـبة مصيـبة..
يستوي هالنـشبة ( قلبي )
يستوي والله حطـام..

،،..

روح نــام ..لاتفكر .. روح نـام..
بكره تعرف وش جرآلي ..
وكيـف حالي..
وكيف صابر عالليـالي..
جرحت , وقلت يالله ماعلينا ..
أنت غالـي..
روح نـام..

..

لا تردد
عيش تجرح ..,
وأنا ببكـي..

و على الدنيــا الســلام : )

تقبـلو نزفي .. ليس إلا ..

مزيد من صراعات الليل..

نص قلب ..

28/3

السلام عليكم ورحمة الله وبركاته ...

بعد التحيـة الحارة لكم ..

اقولكم اني مو بس مشحونه .. الا مشحونه ونص من كل شيء ..

وبحكم انقطاع النت عندي لفترة , ماقدرت ارجع لمدونتي ..

لاني ماحب ادون الا وانا عالاب .. لحد يقولي مسكي البيبي وجربي تكتبين ...

 لكن احنا نقول حصل خير ., وما صار شيء : )

أنا أتمنى فعلا أن اخباركم أحسن مني .. ومن كل قلبي اتمنى هالشيء ..

لان أخباري ماتسر وايد , ولكن الله يستاهل الحمد على كل حال ...

في هالواقع الغريب , عاشرت ناس وايد ... بس أنا أدري وقت الضيق ..

تعرف وجوه الناس الحقيقية .. وانا من قناعاتي الانسان مايحتاج للشخص اللي جدامه في وناسته ..

اذا ماكان له حضور في ضيقته ...

ولكن من قناعاتي اني مالبس اقنعه .. قلبي كبير مهما صار ويسامح

لكن مو كل مره بينسى..

لأن مهما يكون انا موملاك .. عشان اكون كامله..

الحب .. شيء / صار " مؤسف وغريب "

يؤسفني لين اسمع قصص فراق .. وناس حبو بعض فترة وعاشو احلى حب

يضيعونه على تفاهات ..

استغرب فعلا .. من اللي يعتقدون كل يوم بيلاقون لهم حبيب نفس ( الموديل )

شكليآ .. أخلاقيآ .. ومن كل النواحي ..

انا اعتقد اليوم اذا الانسان لقى له حبيب يستحق الحب ..

فلازم يمسكه لين آخر نفسه ومايخليه ..

يعني ...  يا تموت فيه .. أو تموت وتموته معاك : )   ...

لأن بكره ماراح تلاقي مثله

//

عندي مشكله تعبت اشرحها مدة شهر كامل ..

أنا ومذهبي ... مذهبي وانا ...

( مسلمة  - شيعية ) وبغض النظر عن بعض الاختلافات الصغيره مع المذهب ( السني )

الا ان صداقاتي واسعه و لي اشخاص من اهل السنه كأخواني وخواتي واهلي ..

لكن استغرب من العقول المتعصبه ..اللي تكبر المواضيع ..بأن الشيعي مختلف كليآ عن السني ..

وأن السني مسلم .. والشيعي " مادري شيطلع " 

ياناس .. هذي فتنة .. واللي مسويها يبي يضحك على خلق الله! ..

انا ليش اكره فئة عاشرتهم في كل مراحل حياتي!

ليش احقد عليهم ..! وأنا أكلت وشربت وياهم ..

وليش وليش وليش .. ووايد اسئلة ..

ترى في النهايه ..

الشيعي والسني يقرون قرءآن واحد ..

الشيعي والسني يصلون 5 صلوات ..

الشيعي والسني يصومون شهر رمضان ..

الشيعي والسني يعبدون الله وحده ..

الشيعي والسني ..مسلمين!

في اعتقادي .. الاختلاف مايعطينا الحق ان احنا نتجاوز على غيرنا ..

يعني عيب على اي شخص يسيء للآخر لان اهوا من المذهب الفلاني ...

وأنا أدري مية % ... اللي يسيء أهوا انسان جاهل للحين ماعرف شيء ..

وبصراحة كل واحد عنده عقل ويقدر يبرر تصرفات اللي جدامه ..

صح الظالم ما انكتب على جبينه ( ظالم ) ..

لكن تصرفاته .. تدل على ظلمه ..

في البحرين .. السعيدي! ..

حلل دم الشيعه! ..

وطبعا هو اتخذها فرصه

* لان اغلب الشيعه متضامنين في المعارضه الي تطالب بحقوق مشروعه ..

وشكله يحب يشرب دمنا ..

ومن السعيدي يطلع ! .. كما عرفت عن تاريخه هو شخص أساسا مجنس ..

وبحسب وجهة نظري .. هو شخص يدعي الأسلام؟! وهذا شي انا شفته بعيني يعني مومن وحي الخرافات..

- لأن فاز في الانتخابات ( لأن الحكومة تبيه ) .. وهذا بما معناه اعطي اصوات عشان يفوز لا غير

- لأن اهوا شخص كان له دور فعال في أثارة الطائفية والفتنه

- والسبب الأخير .. انا على خبري المتدينين .. وشيوخ الدين .. تكون عندهم صدق و أمانه ..

عشان يقدرون يكونون قدوة للناس..

لازم يكونون صالحين ..

لكن الآخ الـ " منجس "  ماهو الا حثالة .. كما أرى من تصرفاته..

لان لايملك رقي في التعامل ..ولاثقافة اخلاقية ..

و هو ورقة تقلبها الحكومة متى ارادت ...

يعني لو قالوله صلاة الصبح صلها أربع ركعات

بيقول / حاضر سيدي ممنونك ..

بس لاتنسون خلف الكواليس " بيقول لهم .. جم تدفعون !! "

//

من هذا كله ابي اوصل نقطة..

مذهبنا مكتوب علينا قبل لا نولد ..

عاداتنا وتقاليدنا لازم نحافظ عليها لكن نحافظ على الشي الطاهر , مو المدنس ..

يعني بعض العوائل المتشددة تحذر عيالها .. بأن الشيعه يقتلون السنه وخصوصا محرم! والعكس بعد .. بعض الشيعه تقول لعيالها السنه يكرهونكم ويحللون دمكم..

وتكبر العيال ويظل هالشي مغروس ..وهالشي كذا شخص جريب مني خبرني عنه ان سمع او مرت عليه هالأفكار

وطبعاً العتب مو على العيال .. على العوائل الغبيه ..

يا ناس أصحو .. ماراح تكون الدنيا بخير لو كل منا حقد على الثاني..

الانسان عنده عقله يحكمه في كل شي حتى في الدين ..

مو كل شي يقوولونه الشيوخ والمفتيين لازم اسويه ..

لان في النهاية الشخص محاسب على عمله مو على اعمال غيره ..

يظل مذهبي .. وسام افتخر فيه ..

وتربيتي اظل اشكر ربي عليها ..

لان مافي يوم من الايام حملت حقد في قلبي ..

ولا يوم من الايام تصرفت بجهل لمغثة الناس ..

** ترى الآدمي اذا قال كلمة حق .. فهي لنفسه ...لان محد بياخذ جزاها غيره اهوه..

تقبلو تحياتي

* مجرد " نص قلب " ..

N9.GLB@HOTMAI.COM

آخر الليل .. وأفكاري..

من كثرهم مرتآب / مدري منين أبدآ

هذي وجيـه أصحاب ، ولا وجيـه أعداء!

/

أطيبهم الكذاب وأصدقهم الأردى

تراب , فوق , تراب ..

               ... يمشي بلا مبدآ ...

........

مرحبـا.. جميعاً ..

ِ أشتقت :) لكم ِ ..

ولمسآحتي هني .. شعوري انه عيزانه افضفضه ..

لأني مشتته , مابين اشيا وايد ..

والظروف ماتسآعد .. ولكن نحمد الله على كل حال ..

حلو الأنسان يلاقي حوالينـه وآيد ناس..بس مب حلو يتملكه أحساس الخوف تجاههم ..

يخآف يقرب .. ويبعدون .. ويخآف يبعد .. وهم يقربون..

حلو الأنسان .. يلقى  الأشياء مريحه جدامـه..

ولكن .. بينه وبين نفسه " يعاني " .. والسبب صدمه..

آخر الليل / هي فترة تزاحم الأفكار .. واعتقد هذا الشي بديهي لكل أنسان .. خصوصا الحساس ..

طبيعتي .. آخر الليل .. يا انام من كثر التعب .. يا اسهر من كثر التعب ..

الفرق بين الأثنين .. النوم مريح .. وينسيك ..

والسهر .. هو طريق لألهامك .. سواء كان بشكل ايجابي أو سلبي..

يا يزعلك .. وتنهار .. او يخليك تبدع بأتخاذ موقف ايجابي  ..

//

بسبب الأحداث السياسيه .. اللي خلتني اكره دوامي ..

اليوم قررت اني اوقف هالمهزله والتهاون . بيني وبين نفسي ..

يعني قلت / خلاص بلا مصاخه لازم تداومين لو مهما كانت نفسيتج تعبانه او مالج خلق ..

وفعلا ..راح ابدي أداوم .. من يديد ..

لاني مابي اخسر دراستي ..وهذا قراري من اول مادشيت الجامعه ..

ومابي اتهاون بالموضوع لاني خسرت شي قبل..

والشآطر اللي مايكرر الغلطه مرتين ...

//

الأهمال اللي كان له اثر على نفسيتي ..

تهاوني بالدراسه خلاني احس بالذنب ..

ولكني مصره اني اعوضها ..صح انه ماغبت وآيد ..

بس احس اني تهاونت .. وماكان المفروض يطلع مني هالتصرف..

اعترف اني غلطانه..

//

احس اني مقصره بحق هلي .. وهو شعور مب حلو

احس ان المفروض اكون جريبه اكثر خصوصا هالفتره..

بس مادري شلون ارتب نفسي..

يعني ودي اسوي كل شي مره وحده..

وكل شي مهم في نفس الوقت ..ماقدر أأجل شي..

وهالشي يحسسني اني فاقده التركيز ..

//

تصدقون .. ودي مره امي تحس شكثر أحبها ..

ولكني خجوله منها .. بالذات امي ..

احس اني استحي منها اكثر من اي حد

مادري ليش

ودي ألمها واقولها اني اطلب رضاج ..

//

عندي دكتور.. صارلي موقف معاه " اكرهه " ..

ولكن اليوم احتك فيني مره ثانيه ..

واشوفه مهتم انه يتناقش معاي ..

ولكن .. صرت مافهمه ..

لان مرات يقط كلام ..يحبطني ..

** حسن النيات مطلوب ..

ولكن مادري هل هو يحاول .. يطيحني من طموحي ..

عشان اصر على النجاح .. واكون اقوى..

ولا فعلا قاصد كلامه ...

شي محير...

//

من اول مابديت احط النقاط على الحروف في حياتي

وابتدي خطة يديده ..لكل شي ..

ماكنت اتوقع ان الدنيا ..فيها ناس ( حمقى )

ولا ناس تحمل في قلوبها ( حقد )

لمجرد ان الانسان يخالفني بالرأي ؟! ممكن أكرهه او اأقلل من قيمته ..

الناس قاعدين ينسون المثل اللي يقول .. " الناس للناس / والكل بالله "

مادري يمكن لان بيئتي وتربيتي .. علمتني اشياء ثانيه ..

ومستحيل اعامل انسان .. بمثل معاملته لي ..

بس غريبه الناس فعلا...

مادري شنو بياخذون من الدنيا ؟! غير قبر وكفـن ..

الله يهدي الجميع ..

//

وآخر شي حبيت أكتبه ..

أني احب اخوي .. أحبـه .. لأنه وآيد يحن علي ..

ولاني اشوفه انسان " ذهب " .. مايتعوض ..

طبعا انه احب كل اخواني ..وكلهم ماستغني عنهم..

لكن..بحكم انه أكبر مني .. يخجلني .. دايمآ .. بحنيته علي ..

أحبـك / يآ آخوي :)

وأحبكم أنتوا .. بعد :)..

تصبحون على خير

أرضي حبيبتي البحرين

صباح الخير جميعا : )


// وحشتوني //


وبما أن الرقاد شارد .. ومادري شفيني ماقدرت ارقد ..
ييتكم هني .. وقلت نفضفض شويـه..


طبعا الوضع في البحرين اصبح " شبه لا يطاق "
بين مؤيدين ومعارضين .. وحكومه..
وسالفتي اليوم كلها عن دولتي الحبيبه ورأيي الشخصي ..
يعني كلامي ليس ترويجاً لأي شي .. وهمن هذي حرية شخصيه ممكن شخص يعجبه رايي وممكن لا..


في البدايه .. الدول العربيه .. بدت تثور دوله تلو الآخرى
أبتدينا بتونس .. ومصر والآحداث لازالت جاريه .. وسقوط الحكام مستمر ..
اذا كانت هناك انسانيه .. مع شعب مصر وشعب تونس والشعوب الآخرى .. ويا مواطن البحرين الموالي .. أين انسانيتك مع منهم يشاركونك في نفس حقوقك..مع شعبك مع نفسك!
كان هذا سؤالي لأغلب الاشخاص اللي اعرفهم ..
هل هو خوف من السلطه ..أم حفاظاً على المناصب..!
من يخاف السلطه الا يخاف الله !


...


أبتداءاً بثورة الغضب في البحرين 14 /2 ..
مطالب شرعيه .. للشعب .. مسيرات سلميه وانه اكتب هالكلام ..
ليس نقلاً عن أي أحد ... ولكن لأنني عشت هذه الأيام الصعبه
وبأصراري بأن أرى كل شي بعيني..
هناك فساد على كافة المستويات .. كجلب الأجانب من الخارج والبحرين مليآنه مثقفين ودارسين ..
و اشخاص تحمل دكتوراه وماجستير وهي عاطله عن العمل او تعمل في مناصب اقل .. او براتب متدني..
التجنيس.. هو مشكله تتفاقم مع مرور الزمن ..فسكان البحرين الاصلين .. لا يتعدو الثلث من سكان البحرين أجمع..
وغيرها من المشاكل التي تعاني منها دولتي الحبيبه ..
//
المشكله الأكبر ..
بأن جيشنا بدل أن يكون حاميها ..قد صار حراميها..
بدل أن يحمي الشعب ..قتل الشعب..


حسب وجودي بين مسيرات المعارضه ..
كلها سلميه ..والشعب اعزل..
بدأ هذا الشعب بطلب حقوقه ..حقوقه الشرعيه
يرفض ان يكون هناك دخلاء من أجناس ..يرفض التجنيس يرفض بتمييز الأجنبي على مواطن هذا البلد..
كانت عباراته الاولى ..بأن الشعب يريد أسقاط دستور 2002 ..واستبداله بدستور جديد ..
ولكن الحكومه قد أمرت الجيش بقتل المعارضين..وحسب اعتقادي هم يريدون ان يزرعو الخوف في قلوب المعارضين..
وتمت المجزره والمعارضين نائمين ..بعد أن اتخذو دوار اللؤلؤ كمقر لثورتهم ..ونصبو خيامهم واستعدو لأن يصرخو بأعلى أصواتهم من أجل أرضهم وحقوقهم
هاجم الجيش " شعب نائم " بالرصاص المطاط والحي والمسيلات الدموع ..وبعضهم كان نصيبهم أن يكونو تحت  عجلات السيارات
وبعد هذه المجزره ..التي راح ضحاياها 7 شهداء ..واكثر من 400 جريح .. و 60 مفقود ..
منعت في وقتها القوات ان يأتو الاسعافات لينقلو الجرحى ,. وبعضهم ظل في موقع الحادث ما يقارب 11 ساعه وهو ينزف ويعتصر ألماً .. أتساءل احيان ماهذه الأنسانيه ..لو كان جيشنا جيش بحريني خالص .. فلن يحدث هذا ..ولن يرضى اي بحريني على اخيه البحريني ..ولكن تجري الرياح بما لا تشتهي السفن..
بعدما أكملو جريمتهم البشعه .. نظف قوات الجيش الدوار في اقل من ساعه...
وحتى سيارات المواطنين دُهست من قبل دبابات ..
وأنا شخصياً . أعرف واحده كانت بجانبي في المسيره ..وأخبرتني بأن سيارتها التي لم تكمل اقساطها بعد .. دٌهست أمام عينها ..وكانت برفقة أطفالها ..وياللعجب من ظلم وجور البشر ...
أوصلنا لهذه المرحلة ..
الطريف في الأمر ..والموجع والأمر هناك اشخاصُ يماطلون في رؤية الحقيقه ..
كانت جميع القنوات تعرض نفس مستوى الاخبار ..بأن الشعب مظلوم وقد قابل هذا الشعب المسالم ..حكومته بالسلم فقابلهم هذا الجيش بالدم ..
الا ان قناة البحرين فاشله فمسرحياتها جداً ..منحطه واعتقد ان مخرجها ( مجنس هندي )
فمن بعد هذه الجريمه البشعه والمجزره التي ترفض من كل شخص لديه انسانيه ..
الا انهم قالو ان الشعب قابلهم بالسيوف .. والاسلحه ..


واتذكر كانت الحادثه في تمام الساعه الثالثه فجراً ..
وهم عرضو فلمهم الفاشل الساعه 2 ظهراً ..


استغرقو 11 ساعه ليظهرو مالديهم ...!
وباقي القنوات كانت تعرض اخبارها منذ الصباح في حدود 6 و 7 صباحاً ..


من قوانين الأخلاء ان ينتظر الجيش 5 ساعات لينذر المعارضين..
ولكنهم هجمو 3 ..وانتهو من تصفيه اعدادهم 4 .. ولم يتبقى سوا الجرحى هناك ..
كذلك كيف للشعب ان يهاجم العسكري بالسيف على رأسه وهو يلبس لبس عسكري كامل ..وعلى رأسه الخوذه !..
كيف للشعب أن يقطع أصابع العسكري والعسكري يحمل سلاح في يديه..
وهل شخص اعزل يستطيع مواجهة عسكري يملك مهارات كافيه لأردائه قتيل..
فعلا هناك امور مضحكه للغايه والغريب بأنهم عماد للوطن والثقافه وهذا مايظهر منهم في النهايه
مستوى متدني في التفكير والتخطيط!


مطالب الشعب الآن ..بانهم يريدون اسقاط الحكومه بعد ان استنزفت دماء مواطنيها بكل سخريه
وانا اعتقد بأن الحكومه تستحق السقوط اذا كانت فعلا تسترخص بدماء مواطنيها الاصيليين الذين يطالبون بحقوقهم بكل سلميه..
اعتقد بأنها تستحق السقوط اذا كانت غير مباليه باشخاص اخذتها الغيره على ارضها من الأجانب والمجنسين ..
فجيشنا جيشُ وطني ..باليمني والأردني!..


فنحن المعارضين لم نذهب لنعطي كل هندي وباكستاني " عشرة دينار " ليأتي معنا ويشاركنا معارضتنا كما فعل المواليين للحكومه
فلن أظلمهم واقول النص هما هنود ..ولكن دعوني اقول بأن الثلث مجنس والثلث هنود وباكستان اصحاب الاعمال البسيطه ..
والثلث الآخر هو بحريني الأصل موالي من أجل مناصبه ..


وهناك ملاحظه لا احد يذكر لي بأن من يعارضون الحكومه هم عملاء أيران ..
لأن ايران رمز شيعي .. وأغلب الشيعه يحبونها فهي ترمز لرموز شعائريه .. ليس لها اي صلة بالسياسه ..
وأساسا المعارضين من الطائفتين الشيعه والسنيه ..
والمعارضين .. يرددون " أخوان سنه وشيعه هذا الوطن مانبيعه "
ولا أحد يقول بأن المعارضين يطلبون رأس أحد أو يطلبون أن يكون الحكم شيعي
فهذا امر مرفوض وأكرر بأن المعارضين من الطائفتين ..
فأنا أرفض أن تكون البحرين تابعه لأيران .. وأنا معارضه .. ومع الشعب وضد الحكومه ..
وكذلك اغلب المعارضين ..بحرينين أبا عن جد .. ويكرهون ايران ..وليس صلتهم بها سوى " بالجلو كباب المشهور "


نحن نريد حاكمُ عادل هنا ..
نريد حاكم لايقتل شعبه! لأنه طالب بحقوق مشروعه فبدل القتل هناك الكثير من الأساليب التي يستطيع استخدامها ..
نريد جيش يحمي شعبه ولا يفجرهم ويفجعهم..
نريد مواطنون اصليين ينعمون بخيرات هذا الوطن في أمان و سلام
نريد ألفة ومحبه بين جميع الطوائف..
نريد الحريه ..نريد أن نكون سالمين من شر الطغاة
/
وأن استمر هذا الطغيان نحن شعبٌ لانخاف المنايا ..
وهذه ارضنا وسنظل فيها .
فكيف يكرمٌ المجنس والمواطن يذبح


فبعد الدماء التي ثارت سلمان بن حمد طلب الحوار والهدوء ..
ولكن لا حوار بعد أستبيحت الدماء الطاهره ..
فنحن لن نقبل بالظلم وهيهات منا الذله وهيهات ان نخضع للظالمين...
فسقوط النظام الجائر والعصابه الحاكمه هو المطلوب




وأخيراً اتمنى أن تنتهي هذه الازمه بخير وسلام
وأن تتحقق مطالب الشعب ..
واتمنى من كل شخص لم يعرف الحقيقه بعد التقصي عن مايجري في الشارع البحريني..
ويذهب كمتخفي ليعرف الحقيقه ويشاهد بعينيه ...


ومن في الخارج ..جميع القنوات الاجنبيه والعربيه لها مصداقيتها الا تلفزيون البحرين ..قناة فاشله وفقدت وسقطت اقنعتها في وقت الشده..
فمن ظرافتها قالت بان المعارضين في مسيرتها امس كانو 400 شخص فقط! ..والموالين 300000 شخص!
علما بأن قناة الـ cnn اجرت احصائيتها بأن المعارضين كانو أكثر من 600000 شخص ..
وان الموالين في مقرهم المنشود .. الذي لا يسع اكثر من 14000 شخص ...فكيف لهم ان يكونو 300000


ولكن بهذه المناسبه ..برشلونه وريال مدريد ...عرضو استئجار مسجد الفاتح " مقر الموالين "
لانه أكبر من ملاعبهم ..
ولكن الدوله قررت أن تمنحة دولة قطر في كاس العالم 2022 ..لأن الأقربون أولى بالمعروف...




{ أرضي العزيزة لاتحزني ..فكلنا موالين ام معارضين ..بدمائنا نفديك ..وسيظهر الحق قريباً}




//


تحيآتي ..نص قلب : )